ಚುಟುಕುಗಳು.....

(ಅಂತರ್ಜಾಲ ಕೃಪೆಯ ಚಿತ್ರ - Thanks to : aylwin0201.blogspot.com)

ನಿನ್ನೆ

ಸರಿ ಮಾಡಲರಿಯೇ ಸರಿದಿದೆ...

ಬರೀ ಮೂಟೆ... ಭಾರ ಬೆನ್ನಲ್ಲಿ..

ಸಾರ ಹೀರಿ... ಕಸುವಾಗಿಸಿ.. ಕಸವೆಸೆದು...

ನಡೆಯಬೇಕಾಗಿದೆ.!!ಸರ ಸರ....

ನಾಳೆ

ಆಗಸದ ಬಯಕೆಗಳು...

ನಿನ್ನೆಯ ಭಯಗಳು....

ಬಯಕೆ ಭಯೆಗಳ ನಡುವೆ ಬೇಡ ಭವಣೆ!!

ಇಂದು

ಕಾಡದಿರಲಿ ನಿನ್ನೆಯ ಎಡವರಿಕೆ..

ಕದಲಿಸದಿರಲಿ ನಾಳೆಯ ಕನವರಿಕೆ...

ಇಂದಿನ ನಡೆಗೆ!!!

ಜಯದ ಕಡೆಗೆ..

ಅಂತರದ ಅಂತ್ಯಕ್ಕೆ!!!

ಜಯ

ನಿನ್ನ..

ನಿನ್ನೆ ಕನಸ...

ಕನಸ ನಾಳೆ...

ಅರಳಿಸಿದೇ

ಇಂದಿನ ದೃಡ ಹೆಜ್ಜೆ!!!!

ಸೋಲು

ಭಾರ ಮೂಟೆ ಬೆನ್ನ ಮೇಲೆ...

ಭ್ರಾಂತು ಬಯಕೆ ಕಣ್ಣ ಮುಂದೆ...

ತಡಬಡಿಸಿದೆ ಹೆಜ್ಜೆ !!!

ಮಗುವಿನ ಚುಟುಕುಗಳು

ಒಂಟಿಗಣ್ಣಲಿ, ತುಂಟುಭಾವದೀ, ತಂಟೆ ಹೊಂಚಲಿ, ಸಂಚ ಹೆಣೆಯುತಿರುವ ಪೋರ.

-೧-

ಮುಗ್ಧ ಮೊಗವು
ಸ್ನಿಗ್ಧ ನಗುವು
ನಿನ್ನಳುವಿನಲ್ಲೂ
ಅರಳುವದು ಮನವು

-೨-

ಹಸಿದ ಹೊಟ್ಟೆಗೆ,
ಒದ್ದೆ ಬಟ್ಟೆಗೆ,
ಕರೆಗಂಟೆ ನಿನ್ನಳುವು.
ಮಿಕ್ಕೆಲ್ಲಾ ಹೊತ್ತು
ನಿನ್ನಯಾ ಗತ್ತು
ಬೀರುತ್ತಾ ಚೆಲುವು
ಅರಳುವದು
ಸುತ್ತೆಲ್ಲಾ ಮನವು

(ಬ್ಲಾಗ ಮಿತ್ರರಲ್ಲಿ ಅರಿಕೆ : ವೃತ್ತಿ ಜೀವನದಲ್ಲಿ ಮಹತ್ತರ ಬದಲಾವಣೆಯ ಮತ್ತು ಸಂಸಾರಿಕ ಜೀವನದಲ್ಲಿನ ಹೊಸ ಸದಸ್ಯನ ಆಗಮನದಿಂದ ಸ್ವಲ್ಪ ದಿನ ಬ್ಲಾಗ್ ಪ್ರಪಂಚದಲ್ಲಿ ಬರಲಾಗದೆ ತಮ್ಮ ಕಳೆದ ಕೆಲವು ವಾರಗಳಿಂದ ಬರೆದ ಬರಹಗಳನ್ನೂ ಓದಲಾಗಲಿಲ್ಲ. ಆದರೆ ಎಲ್ಲವನ್ನೂ ಶೀಘ್ರದಲ್ಲಿ ಒಂದು ಬಿಡದಂತೆ ಓಡುವ ಸಂಕಲ್ಪದಲ್ಲಿದ್ದೇನೆ. ಅಲ್ಲಿಯವರೆಗೆ ಕ್ಷಮೆಯಿರಲಿ.)

ತರಾವರಿ

ಇಲ್ಲಿ ಕಂಪು
ಸುಮಧರ ಸೊಂಪು
ಗೆಳತಿಗೆನ್ನೆಗಂಪು

ತರವಾರಿ ತರಾತುರಿ
ಎಲ್ಲಿಯದೋ ಈ ಸವಾರಿ
ಹಾದಿಬೀದಿ ಸರಾಸರ ಹರಿ
ಎನೀದೆಯೋ ಮನದ ಪರಿ

ಬಾಳೆ ಸಿಪ್ಪೆ
ಹಾಳು ಕೊಂಪೆ
ಸಿಕ್ಕಿನಲ್ಲಿ ಸಿ೦ಪೆ
ತೆಗೆದೆಸೆ- ತಂಪೆ!

ಕನಸ ಕನ್ಯೆ

ಸಾಗರಾಳದಿ ಕಪ್ಪೆಚಿಪ್ಪಿನಲಿ
ಮುತ್ತಾದ ಸ್ವಾತಿಹನಿ ನೀನು

ಅದರಿ೦ದ ಮೋಹಿತನಾದ ಈಜು
ಬಾರದ ಸೋಜಿಗವು ನಾನು

ನಾ ಹೆಕ್ಕಲಿಲ್ಲ ಆಳಕ್ಕೆ ಇಳಿದು
ನೀ ಉಕ್ಕಲಿಲ್ಲ ಮೇಲಕ್ಕೆ ಎಳೆದು

ಮುತ್ತು ಹೆಕ್ಕದ, ಈಜು ಬಾರದವರ
ಕಣ್ಣೀರಲಿ ಸಮುದ್ರ ಉಪ್ಪೇ?

ಕಡಲಲ್ಲಿ ಮುತ್ತು ಕಳೆದು
ದಡಕ್ಕೆಸೆದ "ನೀ" ಚಿಪ್ಪೇ?

ನನ್ನೀ 'ಒ೦ಚೂರು ಅದು! ಇದು!'

'ಮಾನಸರ೦ಗ' ದ

'ಮನಸ್ಸೆಂಬ ಹುಚ್ಚು ಹೊಳೆ' ಯಲ್ಲಿ ಹರಿದ,
'ಮನದಾಳದಿ೦ದ'
'ಮನದಾಳದ ಮಾತುಗಳು' -
'ಮೂಕಮನದ ಮಾತು'-
'ಮನಸಿನ ಮಾತು- ಮಾತುಗಳು' ಮತ್ತು
'ಮೌನದ ಪದಗಳು'
'ಮನದ ಮಾತುಗಳ ಅಕ್ಷರಾರೂಪವೇ ನನ್ನೀ ತೆರೆದ ಮನ' ಎನ್ನುವಾ
'ಮನಸಾರೆ'
'ಮನಸ್ಸಿಗೆ ಅನ್ನಿಸಿದ್ದು ಮತ್ತು ಬರಹಕ್ಕೆ ಬ೦ದಿದ್ದು'
ನನ್ನೀ 'ಒ೦ಚೂರು ಅದು! ಇದು!'


'ಮೃದುಮನಸಿ' ನಾ
'ಸವಿಗನಸಿ' ನಾ
'ಸಲ್ಲಾಪ' ದ
'ಲಹರಿ' ಯಾ
'ಚೆ೦ದಮಾಮನ ಅಂಗಳದಲ್ಲಿ'
'ಚುಕ್ಕಿ ಚಿತ್ತಾರ ವಾಗಿ ಹರಡಿದ'
'ಛಾಯಾಚಿತ್ತಾರದೀ' ನಳನಳಿಸುವ
'ಅನುರಾಗ' ದ
'ಇನಿದನಿ' ಯಾ
'ಅಂತರಂಗದ ಮಾತುಗಳು'
ನನ್ನೀ 'ಒ೦ಚೂರು ಅದು! ಇದು!'

'ಸುಪ್ತದೀಪ್ತಿ' ಯಾ
'ಸುಪ್ತವರ್ಣ' ದಾ
'ಸಾವಿರ ಕನಸಿ' ನಾ
'ಹನಿಹನಿ' ಯಾಗಿ
'ಹಾಗೆ ಸುಮ್ಮನೆ'
'ಹರಿವ ಲಹರಿ'
'ಕೊಳಲು' ನುಡಿ
ನನ್ನೀ 'ಒ೦ಚೂರು ಅದು! ಇದು!'

'ನೆನಪಿನಾ ಸಂಚಿಯಿಂದ'
'ನೆನಪ-ಕನಸುಗಳ ನಡುವೆ'
'ಕನಸು'
'ನೆನಪು'
'ಪ್ರತಿಫಲನ' ವಾಗಿ
'ನುಡಿಚೈತ್ರ' ದೀ ತೆರೆದ
'ನೆನಪಿನ ಪುಟಗಳು'
ನನ್ನೀ 'ಒ೦ಚೂರು ಅದು! ಇದು!'

'ಕೌತುಕದ ಬೆನ್ನೇರಿ'
'ಭೂರಮೆ' ಯಾ ಒಡಲಿ೦ದ
'ಚಿತ್ರ-ವಿಚಿತ್ರ' ಗಳ ಕೆದಕಿ
'ಕ್ಷಣ ಚಿ೦ತನೆ' ಯೊಳು
'ಧರಿತ್ರಿ' ಯ 'ಛಾಯಾಕನ್ನಡಿ' ಯಲ್ಲಿ
ಮೂಡಿದ 'ಜೀವನ್ಮುಖಿ'
ನನ್ನೀ 'ಒ೦ಚೂರು ಅದು! ಇದು!'

'ನಾಗಂದಿಗೆ' ಮತ್ತು
'ಮೋಟುಗೋಡೆಯಾಚೆ ಇಣುಕಿ'
ಕಂಡ 'ಸತ್ಯ'
'ಅರ್ಧ ಸತ್ಯ'
'ಮೌನಗಾಳ' ದ
'ಶೋಧನೆ' ಯಾ
'ಇಟ್ಟಿಗೆ ಸಿಮೆಂಟು' ಬಳಸದೆ
ಸೆ೦ಟಿಮೆ೦ಟಿನಲ್ಲೆ ಕಟ್ಟಿದಾ
'ನನ್ನ ಮನಸಿನ ಮನೆ'
ನನ್ನೀ 'ಒ೦ಚೂರು ಅದು! ಇದು!'

'ನನ್ನ ಪಾಡಿಗೆ ನಾನು'
'ಸುಮ್ನೆ ಹೀಗಂದೆ'
'ಹಾಗೆ ಸುಮ್ಮನೆ ಹೇಳಬೇಕೆನಿಸಿದಾಗ'
'ಸಹಯಾತ್ರಿ' ಗಳಾದ ನಿಮ್ಮೊ೦ದಿಗೆ
ಈ ನನ್ನ 'ನಿವೇದನೆ'
'ಪೆನ್ನು ಪೇಪರ್' ನೊ೦ದಿಗೆ
'ಪ್ರಾಸಲೀಲೆ' ಯಾಗಿ ಬ೦ದ
'ನನ್ನೆದೆ ಪ್ರೀತಿ' ಯಾ 'ದೀವಿಗೆ'
ನನ್ನೀ 'ಒ೦ಚೂರು ಅದು! ಇದು!'

ಇದಾವ 'ಶ೦ಭುಲಿಂಗನ ಪುರಾಣ' ವೆನ್ನದೆ
'ಸಹನೆ' ಇಟ್ಟು
'ಕುಶಿ'ಯಿ೦ದಾ
ಓದುತ್ತಿರುವಿರಿ ನೀವು
ನನ್ನೀ 'ಒ೦ಚೂರು ಅದು! ಇದು!'

(-: ಎಲ್ಲ ಮಿತ್ರ ಬ್ಲಾಗಿಗರ ಬ್ಲಾಗ್ನ ಹೆಸರ ಬಳಸಿ ಹೆಣೆದ ಈ ಲೇಖನಕ್ಕೆ ಮಿತ್ರ ಬ್ಲಾಗಿಗರ ಅನುಮತಿ ಇದೆ ಎಂದುಕೊಂಡು ಅವರಿಗೆ ಅವರ ಬ್ಲಾಗ್ನ ಹೆಸರು ಬಳಸಿಕೊಳ್ಳಲು ಅನುಮತಿ ಕೊಟ್ಟಿದ್ದಕ್ಕೆ ಧನ್ಯವಾದ ಹೇಳುತ್ತೇನೆ. :-)

"ಕ್ಷಣ ಚಿ೦ತನೆ" ಯಲ್ಲಿ ನನ್ನ ಕವನ

ಮಿತ್ರ ಚ೦ದ್ರು-ರವರು ತಮ್ಮ ಬ್ಲೊಗ್ "ಕ್ಷಣ ಚಿ೦ತನೆ" ಯಲ್ಲಿ ಸು೦ದರ ಫೋಟೋ ಒ೦ದನ್ನು ಹಾಕಿದ್ದರು. ಜೊತೆಗೆ "ಏನನ್ನು ಬರೆಯಲಿ ಎ೦ದು ಯೋಚಿಸುತ್ತಿದ್ದೆ" ಎ೦ದಿದ್ದರು. ಅವರ ಫೋಟೋ ನೋಡಿ ನನ್ನಲ್ಲಿನ ಕವಿ(?) ಜಾಗೃತನಾಗಿ ಗೀಚಿ ಹಾಕಿದ ಒ೦ದೆರಡು ಸಾಲಿನ ಪ್ರತಿಕ್ರಿಯೆಯನ್ನು ಅವರು ಅಕ್ಕರೆಯಿ೦ದ ಕವನ ಎ೦ದು ಅದನ್ನು ಫೋಟೊ ಅಡಿಗೆ ಮತ್ತೆ ಪೊಸ್ಟ್ ಮಾಡಿದ್ದಾರೆ.
ನೋಡಲು ಈ ಕೊ೦ಡಿ ಅನುಸರಿಸಿ :http://kshanachintane.blogspot.com/2010/03/blog-post_10.html

"ಪರಕಾಯ ಪ್ರವೇಶ"

(ಚಿತ್ರ: ಗ೦ಡಿ ನರಸಿ೦ಹ ಗಾರ್ಜ್ ಸ೦ಡೂರು)

ಹಿನ್ನೆಲೆ

ದೂರದೂರುಗಳಲ್ಲಿರುವ ಆ ಪ್ರೇಮಿಗಳದು - ಪತ್ರಪ್ರೇಮ. ಮಾನಸಿಕವಾಗಿ ಒ೦ದಾದ ಅವರ ಪತ್ರಪ್ರೇಮ ವಿನೂತನ. ಪ್ರಿಯತಮೆ ತನ್ನ ಪತ್ರದಲ್ಲಿ ತನಗೊ೦ದು ಸುಸ್ವಪ್ನ ಬಿದ್ದಿತ್ತು - ಆದರೇ ಹೇಳಿಕೊಳ್ಳಲು ನಾಚಿಕೆಯೆ೦ದು, ಹಾರಿಸಿ, ಪತ್ರದಲ್ಲಿ ಸ್ವಪ್ನದ ಬಗ್ಗೆ ಹೇಳುವದನ್ನೇ ಬಿಟ್ಟಿರುತ್ತಾಳೆ. ಇತ್ತ ಪ್ರಿಯಕರನಿಗೆ ಆ ಪತ್ರ ಓದಿ ತೀವ್ರ ಕುತೂಹಲ ಅವಳಿಗೆ ಬಿದ್ದ - ಮುದವಾದ, ಸು೦ದರವಾದ, ಹೇಳಿಕೊಳ್ಳಲು ಸ೦ಕೋಚಿಸುವ "ಆ ಸ್ವಪ್ನ"ವೇನೆ೦ದು? ಈ ಕುತೂಹಲದ ಉತ್ಕಟತೆಯಲ್ಲಿ ಅವನ ಕಲ್ಪನೆ -ಆ ಇನಿಯಳ, ಆ ಸು೦ದರ ಸ್ವಪ್ನದಲ್ಲಿ, ಪರಕಾಯ ಪ್ರವೇಶ ಮಾಡಿ, ಆ ಪರಕಾಯ ಪ್ರವೇಶದ ತನ್ನ ಅನುಭವವನ್ನು "ಪರಕಾಯ ಪ್ರವೇಶ"ವೆ೦ಬ ಹೆಸರಲ್ಲಿ ಅವಳಿಗೆ ಪತ್ರ ಬರೆಯುತ್ತಾನೆ. ಆ ಪತ್ರ ಈ ಕೆಳಗಿನ೦ತಿದೆ. ಗೆಳತಿ ತಾನು ಭೇಟಿಯಾದ ದೇವಾಲಯವೊ೦ದರಲ್ಲಿ ದೊರೆತ ನೆಮ್ಮದಿ-ಶಾ೦ತಿ ಬಗ್ಗೆ ತನ್ನ ಪತ್ರದಲ್ಲಿ ಹೇಳಿಕೊ೦ಡಿರುತ್ತಾಳೆ.

"ಪರಕಾಯ ಪ್ರವೇಶ"

ನಲ್ಮೆಯ ಪ್ರಿಯೆ,
ನೀನು ಹೇಳಿಕೊಳ್ಳಲು ಸ೦ಕೋಚಪಟ್ಟಿಕೊ೦ಡಿರುವ, ಆ ನಿನ್ನ ಸುಸ್ವಪ್ನಃ, ನನ್ನ ಈ ಪತ್ರದ ಮುಖ್ಯ ವಿಷಯವಾಗಿದೆ. ನೀನ೦ತೂ ಹೇಳಿಕೊ೦ಡಿಲ್ಲ, ಹೇಳಿಕೊಳ್ಳುವದೂ ಇಲ್ಲ -ಬಹುಶ: . ಆದರೆ ಅದು ನನ್ನಲ್ಲಿ ಕೆರಳಿಸಿರುವ ಕೂತೂಹಲ -ನನ್ನನ್ನು, ನಿನ್ನ ಆ ಕನಸಿನಲ್ಲಿ, ಪರಕಾಯ ಪ್ರವೇಶ ಮಾಡಿ, ಅದನ್ನು ನೋಡು ಎನ್ನುತ್ತಿರುವಾಗ, ನನ್ನ ಕಲ್ಪನೆಗಳು - ಅದನ್ನು ಹೊಕ್ಕು ವಿವೇಚಿಸಿರುವಾಗ, ನನ್ನ ಭಾವನೆಗಳನ್ನು ನನಗೆ ತಡೆಯಲಾಗುತ್ತಿಲ್ಲ. ಅದನ್ನು ಈ ಮೂಲಕ ಹೇಳಿಕೊಳ್ಳುತ್ತಿರುವೆ. ಅ೦ತಹ ಕನಸುಗಳು ನನಗೂ! ಇಲ್ಲಿ ಸಹಾ! ಅದು ಬರಿ ಮಲಗಿದಾಗಲಲ್ಲ....ಏಕಾ೦ಗಿ ಎನ್ನುವ ಪ್ರತಿ ಕ್ಷಣದಲ್ಲೂ.....
ಪರಕಾಯದ ಪ್ರವೇಶದ ನಿವೇದನೆಗಳು:

• ನೀನು ಆ ಕನಸು ಕ೦ಡು ಎದ್ದಾಗ, ನಿನ್ನ ಮು೦ಗುರುಳು ಕೆದರಿ ಉ೦ಗುರದ೦ತೆ ಗು೦ಗುರಾಗಿದ್ದರೆ, ನಿನ್ನ ಕನಸಲ್ಲಿ- ಗಾಳಿಗ೦ಧ ರೂಪದೀ, ನನ್ನ ತೋರುಬೆರಳು ಬ೦ದು, ಆ ಮು೦ಗುರಳನ್ನು ತನ್ನ ಮೈ ಸುತ್ತಾ ಸುತ್ತಿಕೊಳ್ಳುತ್ತಾ, ನನ್ನ ಪ್ರೇಮವನ್ನು ಅದಕ್ಕೆ ನೀವೇದಿಸಿದೆ- ಎ೦ದರ್ಥ.

• ನಗುವಾಗ ನಿನ್ನ ಕೆನ್ನೆಯಲಿ ಬೀಳುವಾ "ಗುಳಿ" ಆ ಕನಸ ಕ೦ಡ ನ೦ತರ ಕಾಣಿಸದೇ ಹೋಗಿದ್ದರೆ ಗಾಳಿಗ೦ಧರೂಪದೀ ನಾ ಕಳುಹಿಸಿದ ಮುತ್ತುಗಳೆಲ್ಲಾ ಅಲ್ಲಿ ಹರವಿ ಅದನ್ನು ಮುಚ್ಚಿಹಾಕಿದೆ ಅಥವಾ ತು೦ಬಿಕೊ೦ಡಿದೆ ಎ೦ದರ್ಥ.

• ಸ್ವಪ್ನದ ನ೦ತರ ನಿನ್ನ ತುಟಿ ಅದರುತ್ತಿದ್ದರೇ, ನನ್ನ ತುಟಿಯಿ೦ದ ಗಾಳಿಗ೦ಧರೂಪದೀ ಬ೦ದ ಪ್ರೇಮಾಲಾಪವನ್ನ ಅದು ಅರ್ಥೈಸಿ ಕ೦ಪಿಸುತ್ತಿದೆ- ಎ೦ದರ್ಥ.

• ಕನಸಿನಾನ೦ತರದೀ ನಿನ್ನ ಹಣೆಯಲ್ಲಿ ಬೆವರುಹನಿಗಳು ಮುತ್ತಾಗಿ ಮಿನುಗುತ್ತಿದ್ದರೇ, ಗಾಳಿಗ೦ದರೂಪಿ೦ದ ನಿನ್ನ ಸೇರಿರುವ ನನ್ನ ಬಿಸಿಯುಸಿರ ಉದ್ರೇಕದಿ೦ದ- ಎ೦ದರ್ಥ.

• ನಿನ್ನೆದೆಯಲ್ಲಿ ಭಾರವೊ೦ದಿಟ್ಟ೦ತೆ ಆ ಕನಸ ನ೦ತರ ನಿನಗನಿಸಿದ್ದರೇ, ಗಾಳಿಗ೦ಧರೂಪಿ೦ದೇ ನಾ ಮಗುವ೦ತೆ, ಅಲ್ಲಿ ನನ್ನ ತಲೆಯಿಟ್ಟು, ತೊದಲ್ನುಡಿಯಲ್ಲಿ ನನ್ನ ಪ್ರೇಮವನ್ನು ಅರುಹಿರಬಹುದು- ಎ೦ದರ್ಥ.

• ಕನಸಿನಾನ೦ತರ ನಿನ್ನ ಮೈಯೆಲ್ಲೆಲ್ಲಾ ಕಚಗುಳಿಯಿಟ್ಟ ಅನುಭವಿದ್ದರೆ, ಗಾಳಿಗ೦ಧರೂಪದೀ ನನ್ನೆಲ್ಲಾ ಬೆರಳುಗಳು ನನ್ನ ಪ್ರೀತಿಯಾ ಸ೦ಕೇತಗಳನೆಲ್ಲಾ, ನಿನ್ನ ಮೈಮೆಲೆಲ್ಲಾ ಲಾಸ್ಯದ೦ತೆ ಮೂಡಿಸಿ ಆಟವಾಡಿದೆ- ಎ೦ದರ್ಥ.

• ಕನಸಿನಾನ೦ತರ ನಿನ್ನ ಮೈಗುದಲೆಲ್ಲಾ ನವಿರಾಗಿ ನಿಮಿರಿ ನಿ೦ತಿದ್ದರೇ, ಗಾಳಿಗ೦ಧರೂಪಿನಾ ನನ್ನ "ಸ್ಪರ್ಶ" ನೀ ಅನುಭವಿಸಿರುವೆ -ಎ೦ದರ್ಥ.

• ನಿನ್ನ ಕಣ್ಣುಗಳು ಆ ಕನಸಿನಾನ೦ತರ ಮತ್ತಿನಲ್ಲಿರುವವರ ಕಣ್ಣ೦ತೇ ಹೊಯ್ದಾಡುತಿದ್ದರೆ, ಗಾಳಿಗ೦ಧದರೂಪಿನಾ "ನನ್ನ ನಶೆ", ಅದನ್ನು ತಲುಪಿದೆ- ಎ೦ದರ್ಥ.

• ಸ್ವಪ್ನ ಕ೦ಡ ನ೦ತರ, ನೀನು ಕಾರಣವಿಲ್ಲದೇ ಎನೋ ನೆನಸಿ ನಗುತ್ತಿದ್ದಲ್ಲಿ, ಖ೦ಡಿತವಾಗಿ ನಿನ್ನ ಕನಸಲ್ಲಿ ನಾನು ನನ್ನ ಪ್ರೇಮ ತೋಡಿಕೊ೦ಡ ಪರಿಯ ಮಾತುಗಳು ನೆನಪಾಗಿರುತ್ತವೆ. ಆ ಮಾತುಗಳಲ್ಲಿ ನನ್ನ ಸರಸದ ಸ್ವಾರಸ್ಯವಿರುತ್ತೆ, ತು೦ಟತನವಿರುತ್ತೆ ಅಲ್ಲದಿದ್ದರೇ ಆ ಸಮಯದಲ್ಲಿ ನೀನು ನನಗೆ ಹೇಳಬಹುದಾದ ಭಾಷೆಯಲ್ಲಿ ನನ್ನ"ಪೋಲಿತನ"ವಿರುತ್ತದೆ.

• ನೀನು ಮರೆಯಲಾಗದ ಸುಸ್ವಪ್ನಃ ಎ೦ದಿರುವದರಿ೦ದ ಬಹುಶಃ ನಾನೇ ಗಾಳಿಗ೦ಧರೂಪಿಯಾಗಿ, ನಿನ್ನ ಆ ಕನಸಲ್ಲಿ ಬ೦ದು, ನಾಲ್ಕೂ ಸುತ್ತಿನಿ೦ದ ನಿನ್ನನ್ನಾವರಿಸಿ, ಬಲವಾಗಿ ಆಲ೦ಗಿಸಿ, ನನ್ನಲ್ಲಿ-ನಿನ್ನನ್ನು, ನಿನ್ನಲ್ಲಿ-ನನ್ನನ್ನು, ಮೈ ಮರೆಸಿರಬಹುದು ಪ್ರೇಮಾಮೃತಧಾರೆಯಲ್ಲಿ.

ಹೂವೊ೦ದರ ಮೇಲೆ ದು೦ಬಿ ಕುಳಿತಿದ್ದರೆ ಅವುಗಳ ಮಾತು ಕದ್ದಾಲಿಸು, ಹಕ್ಕಿಗಳೆರಡು ಮರದಲ್ಲಿ ಜೊತೆಯಾಗಿದ್ದರೆ ಅವುಗಳ ಕದ್ದಾಲಿಸು -ಅಲ್ಲಿ ಗಾಳಿಗ೦ಧದರೂಪದೀ ನಾ ಹೇಳಬೇಕಾದ ಮಾತಿದೆ.

ಚ೦ದ್ರನೆಡೆಗೆ ನೆಟ್ಟ ನೋಟ ಬೀರು-ನನ್ನ ನೋಟ ಅಲ್ಲಿ ಪ್ರತಿಬಿ೦ಬಿಸಿ ನಿನ್ನ ಸೇರುತ್ತೆ ಮತ್ತು ನಿನ್ನ ನೋಟ ನನ್ನ ಸೇರುತ್ತೆ.
ನನ್ನ ಕಣ್ಣೊಡನೆ ನೀನು ಅಲ್ಲಿ ಮಾತನಾಡಬಹುದು.

ಸದ್ದುಗದ್ದಲವಿಲ್ಲದಾಗ ಸೂಕ್ಷತೆಗೆ ಕಿವಿಕೊಟ್ಟರೇ, ನಾಲ್ಕೂ ದಿಕ್ಕಿನಿ೦ದ ನೀನು ನಿ೦ತಲ್ಲಿ ಬೀಸುವ ತ೦ಗಾಳಿಯಲ್ಲಿ ನನ್ನ ಪ್ರೇಮದಾ ಮಾತನ್ನ ಪಿಸುವಿನಲಿ ನೀ ಅನುಭವಿಸಬಹುದು.

ತಾರೆಗಳ ಮಿಣುಕಾಟ ನೋಡು ಅವುಗಳಲ್ಲಿನ ಮಿಣುಕಾಟದಲ್ಲಿ ನಮ್ಮ ವಿರಹದ ತಿಣುಕಾಟವಿದೆ.

ನೀ ಆ ದೇವಸ್ಥಾನದಲ್ಲಿ - ಅನುಭವಿಸಿದಾ ಪ್ರಶಾ೦ತತೆ ಹಾಗೂ ಹೊ೦ದಿದ ಮನಶಾ೦ತಿ- ಬಹುಶ: ನಮ್ಮ೦ಥವರ ಪ್ರೇಮದ ಪೂಜ್ಯಭಾವನೆ ಮತ್ತು ಭಕ್ತಿಭಾವದಿ೦ದ. ಆ ದೇವರರೂಪಿ ನಿರ್ಮಲ ಪ್ರೇಮದ ಸ೦ಕೇತ ಮಾತ್ರ.

ಪ್ರೇಮದಾ ಪಾಯದಲಿ,
ಪ್ರೇಮದಾ ಪುಟ್ಟಗೋಡೆಯ,
ಪ್ರೇಮದಾ ಪುಟ್ಟ ಸೂರಿನಡಿ,
ಪ್ರೇಮವೇ ಇಲ್ಲಿ ತು೦ಬಿ ನಿ೦ತಿಹುದು
- ಎ೦ದು ನೋಡುಗರು ಬೆರಗಾಗಿ ನುಡಿವ,
ಪುಟ್ಟಮನೆಯೊ೦ದನ್ನು ಹೊ೦ದುವ೦ತೆ
ನಿನ್ನ ಎದೆಮಿಡಿತ ನಿನ್ನ ತುಡಿತವಾಗಿದ್ದಲ್ಲಿ....,

ಇಗೋ ಗೆಳತಿ ಬಿಚ್ಚಿಟ್ಟಿರುವೆ ನನ್ನ ಹಿಡಿಯಗಲದ,
ಪುಟ್ಟ ಹೃದಯವಾ ನಿನ್ನ ಮು೦ದೆ....
ಹೊಕ್ಕಿ ಬಿಡು !!!

ಪ್ರೇಮದಿ೦ ವ್ಯಕ್ತವಾದ ಕಾಮ ಒ೦ದು "ಪೂಜೆ"(worship)
ಪ್ರೇಮವಿರದಾ ಅದು ಒ೦ದು "ಪಾಪ"(sin)

ನಮ್ಮ ಕನಸುಗಳನ್ನು ನನಸಾಗಿಸುವ ನಮ್ಮ ಬಾಳ ಸುದಿನದ ದಾರಿ ಕಾಯುತ್ತಾ,
ನಿನ್ನೊಲವಿನ ,
ನಿನ್ನವ.

ರಸ ಸಮಯ

ಬಟ್ಟೆ -ಅ೦ದಚೆ೦ದ

"ಯಾವ ಬಟ್ಟೆ ಉಟ್ಟರೆ ನಾ ಚೆ೦ದ ಕಾಣುವೆ"

ಎ೦ದು ನನ್ನನ್ನು ಪ್ರಶ್ನಿಸಬೇಡ ನಲ್ಲೆ;

ಕೇಳುವೆ ಎ೦ದರೆ ಇಗೋ ನನ್ನುತ್ತರ

"ನೀ ಬಟ್ಟೆ ಹಾಕಿದೆಯೆ೦ದರೆ

ಅದು ಮುಚ್ಚಿಬಿಡುತ್ತಲ್ಲೇ -

ನಿನ್ನೆಲ್ಲ ಅ೦ದಚೆ೦ದ"



ಸರಸ

ಜೀವನಕ್ಕೆ ಬೇಕು ಸರಸ ಹಾಗೂ ಹಾಸ್ಯ

ಮರೆಯಲು ಅದು ಕೊಟ್ಟ ಕಹಿಯ ಲಾಸ್ಯ

ಜೀವನ

"ಜೀವನ" ಎ೦ದರೇ ಬದುಕಲು ಬೇಕಾಗುವ

ಎಲ್ಲ ಕ್ರಿಯೆಗಳನ್ನೊಳಗ೦ಡ ಹೋರಾಟವಲ್ಲ.

ಆ ನಿರ೦ತರ ಬದುಕ ಹೋರಾಟದ ಕ್ರಿಯೆಯಲ್ಲಿ

"ಪ್ರೀತಿ"ಯ ಶೋಧನೆ ಮತ್ತು ಅದನ್ನು

ಹೊ೦ದುವದೇ -"ಜೀವನ"
{ ಚಿತ್ರದ ಹಿನ್ನೆಲೆ :ಪ೦ಚವಟಿಯಲ್ಲಿನ ರಾಮ -ಸೀತೆಯರ ಮೂರ್ತಿಗಳು (ಈಗಿನ ಆ೦ಧ್ರಪ್ರದೇಶದ ಭದ್ರಾಚಲದ ಹತ್ತಿರದ ಸ್ಥಳ) ರಾವಣ ಸೀತೆಯನ್ನು ಕದ್ದೊಯ್ದದ್ದು ಇದೇ ಸ್ಥಳದಿ೦ದ ಅ೦ದರೆ ರಾಮನ ಸೀತಾವಿಯೋಗ ಪ್ರಾರ೦ಭವಾದುದು. ಹಿನ್ನೆಲೆಯಲ್ಲಿ ಶೂರ್ಪನಖಳ ಮೂರ್ತಿಯನ್ನು ಕಾಣಬಹುದು. ಶೂರ್ಪನಖಳು ರಾಮ-ಲಕ್ಷ್ಮಣರನ್ನು ಕ೦ಡು ಮೋಹಿತಳಾಗಿ, ಅದನ್ನು ನೀವೆದಿಸಿ, ಮೂಗು ಕತ್ತರಿಸಿಕೊ೦ಡಿದ್ದು ಇದೇ ಸ್ಥಳದಲ್ಲ೦ತೆ }

LOVE

"THE WORDS OF LOVE

ARE AS OLD AS STARS

OR EVEN OLDER POSSIBLY,

BUT I WHISPER THEM

AS THOUGH....

MY VERY OWN !!!

&

FIRST WHISPERED BY ME !!!"

THE PHOTO IS OF RAM & SITA STATUE IN THE PANCHAVATI(NEAR BHADRACHALAM-AP)-WHERE THEY STAYED IN THE FOREST & THE PLACE WHERE RAWAN KIDNAPS SITA.

ಗಾಳಿ-ಗ೦ಧ (WAVES OF LOVE)

(-: ಹೆಚ್ಚು ಜನರ ಕಣ್ಣಿಗೆ ಬೀಳದ ನನ್ನ ೨೦೦೭ ರ ಬ್ಲೊಗ್ ಪೊಸ್ಟಿ೦ಗಗಳ ಮರು ಪ್ರಸಾರ :-)

ನನ್ನ ಫೋಟೋ

ನಿನ್ನ ಕಣ್ಣಲ್ಲೇ ನನ್ನನ್ನು ಅಡಗಿಸಿಟ್ಟುಕೊ೦ಡು,
"ನಿಮ್ಮ ಫೋಟೋ ಕಳುಹಿಸಿ" ಎ೦ದರೇ ಹೇಗೆ ಸಾಧ್ಯ ಗೆಳತಿ?
ಕಣ್ರೆಪ್ಪೆ ಮುಚ್ಚು -ಬಯಲಬಾನಿನಲಿ,
ಮುಗಿಲೆಡೆಗೆ ಮುಖ ಮಾಡಿ, ತ೦ಗಾಳಿಗೆ ಮೈಯೊಡ್ಡಿ.
ಆಗ ನನ್ನ ರೂಪು ಮೂಡುವದು ನಿನ್ನ ಕಲ್ಪನೆಯ ಮೂಸೆಯಲಿ
-ಗಾಳಿಗ೦ಧದ ರೂಪದಿ,
ಈ ರೂಪು ನಿನಗೆ ನನ್ನ ಫೋಟೋಗಿ೦ತ ಹೆಚ್ಚು
ಇಷ್ಟವಾಗಬಹುದು.

ನಿನ್ನ ನೆನಪು
ಈ ರಾತ್ರಿ ಹೊರಗೆ ಹುಣ್ಣಿಮೆಯ ಚ೦ದ್ರನಿ೦ದ
ಬೆಳದಿ೦ಗಳ ಅ೦ಗಳ, ತ೦ಗಾಳಿಯ ತ೦ಪು
ಹುಚ್ಚಿನ೦ತೆ ಹೆಚ್ಚಾಗಿ ಕಾಡುತಿದೆ ಅದಕೆ೦ದೆ ನಿನ್ನ ನೆನಪು !!!!

ಬದುಕ ಆಶೋತ್ತರ

ಹನಿ ಹನಿಯಿ೦ದ ತೊರೆ, ಮೋಡ ಮತ್ತೇ ಸಾಗರ.
ಮೋಡ ಹನಿ ಹನಿಸಿ ತೊರೆ,
ತೊರೆ ತೊರೆಗಳಿ೦ದ ಸಾಗರ.
ಮಳೆಗರೆಸಿ ಮೋಡದಾ ಅಸ್ತಿತ್ವ ಮಾಯ.
ತೊರೆ ಸೇರಿ ಹನಿಯ ಅಸ್ತಿತ್ವ ಮಾಯ.
ಸಾಗರ ಸೇರಿ ತೊರೆಯ ಅಸ್ತಿತ್ವ ಮಾಯ.
ಬತ್ತುವಾ ತೊರೆಗೆ ಹನಿಯ ಸುರಿವದು ಮೋಡ,
ಬಟ್ಟ ಬಯಲಾಗುವಾ ಮೋಡಕ್ಕೆ ಹನಿಯ ಬಿತ್ತನೆ,
-ಆವಿಯಾ ಮುಖಾ೦ತರದಿ ಸಾಗರನ ಕೊಡುಗೆ.
ಸಾಗರನ ವಿಶಾಲತೆ ಕಡಿಮೆಯಾಗದ೦ತೆ,
ತೊರೆಯಿ೦ದ ಹನಿಗಳ ನಿರ೦ತರ ಧಾರೆ.
ಸಾಗರ, ಮೋಡ, ತೊರೆ-ಗಳ ನಡುವೆ
ಹನಿಯ ಹುಟ್ಟು-ಬದುಕು-ಸಾವಿನ ನಿರ೦ತರ ರೂಪಾ೦ತರ
ಅಸ್ತಿತ್ವಗಳು ಹುಟ್ಟಿ, ಬೆಳೆ-ಬೆಳೆದು, ಕಳೆ-ಕಳೆದು "ಮನ್ವ೦ತರ"
"ಸಾಗರ ನಿತ್ಯ ನಿರ೦ತರ "

(ಕೆಲಸಗಾರರಿ೦ದ ಸ೦ಸ್ಥೆ, ಸ೦ಸ್ಥೆಯಿ೦ದ ವ್ಯವಹಾರ, ವ್ಯವಹಾರಗಳಿ೦ದ ಕೆಲಸ, ಕೆಲಸಗಳಿಗಾಗಿ ಕೆಲಸಗಾರ.
ಹುಟ್ಟಿನಿ೦ದ ಬದುಕು, ಬದುಕಿಗೊ೦ದು ಅ೦ತ್ಯ, ಅ೦ತ್ಯದಿ೦ದ ಹುಟ್ಟಿನಾರ೦ಭ.
ವ್ಯವಹಾರ ನಿರ೦ತರ ಅಸ್ತಿತ್ವ ಕಳೆದುಕೊಳ್ಳೋ ಕೆಲಸಗಾರನಿ೦ದ,
ಬದುಕು ನಿರ೦ತರ ಅಸ್ತಿತ್ವ ಕಳೆದುಕೊಳ್ಳೋ ಜೀವಿಗಳಿ೦ದ. )

ಸಕ್ಕರೆ ಮೇಲೊ೦ದರ ಚುಟುಕಿನ ನೆನಪು.

ಸಕ್ಕರೆ ಎ೦ದರೇನು ಮಾವಾ,
ಎ೦ದು ಅಕ್ಕರೆಯಲಿ ಕೇಳಿದಳು,
ಅಕ್ಕನ ಚಿಕ್ಕ ಮಗಳು.
ಹೇಳಿದೆ ಪುಟ್ಟಿ,
ಆ ವಸ್ತು ಬಲು ತುಟ್ಟಿ,
ಅಪರೂಪಕ್ಕೊಮ್ಮೆ
ನೀ ನಕ್ಕರೇ ನಿನ್ನ ಹಾಲುಗೆನ್ನೆಯಲಿ ಗುಳಿ,
ಅದನು ಕ೦ಡು ನನಗಾಗುವಾ-" ಸಿಹಿ",
ಉಳ್ಳವರೆಲ್ಲಾ ಕೊ೦ಡು -ಮಿಕ್ಕರೇ
ನನಗೂ ಒ೦ದು ತೊಲ ಸಿಕ್ಕರೆ!
ತ೦ದು ತೋರಿಸುತ್ತೆನೆ -ತಾಳೆ ತಾಯಿ,

ಮಾಡಿ ತಿನ್ನೋಣ ಕೊಬ್ಬರಿ ಮಿಠಾಯಿ!

{ಚಿಕ್ಕವನಿದ್ದಾಗ, ಸುಮಾರು ೧೯೭೭-೭೮ ರ ಸುತ್ತ ಮುತ್ತ, ಒಮ್ಮೇಲೆ ಸಕ್ಕರೆ ಬೆಲೆ ಗಗನಕ್ಕೆ ಹೋದಾಗ, ದೀಪಾವಳಿ ವಿಶೇಷಾ೦ಕವೊ೦ದರಲ್ಲಿ (ಬಹುಶಃ ಸುಧಾ ಇರಬಹುದು), ದಿನಕರ ದೇಸಾಯಿಯವರು (?) ಬರೆದ ಹನಿಗವನವೊ೦ದು, ಈಗ ಮತ್ತೆ ಸಕ್ಕರೆ ಬೆಲೆ ಗಗನಕ್ಕೆ ಹೋಗಿರುವ ಪ್ರಸ್ತುತ ಸ೦ಧರ್ಭದಲ್ಲಿ ನೆನಪಾಯಿತು.
ಸಕ್ಕರೆ ಸಿಹಿಯಾಗಿರುತ್ತದೆ ಎ೦ದು ಹೇಳಲು ಬಳಸಿದ ವಿಧ, ದುಡ್ಡಿದ್ದವರಿಗೆ ಸಿಕ್ಕು ಉಳಿದರೇ ದುಡ್ಡಿಲ್ಲದವರಿ ಸಿಗುತ್ತೆ ಎ೦ಬ ವಿಡ೦ಬಣೆ ತು೦ಬಾ ಅರ್ಥಪೂರ್ಣ.
ನನ್ನ ಸ್ಮೃತಿಪಟಲದಲ್ಲಿ ಉಳಿದ ಈ ಓದಿದ ಚುಟುಕು- ಮೂಲ ಬರಹದಿ೦ದ ವಿರೂಪವಾಗಿದ್ದರೇ ದಯವಿಟ್ಟು ಗಮನಕ್ಕೆ ತನ್ನಿ. ಹಾಗೂ ತಮಗೆ ಪತ್ರಿಕೆ ಮತ್ತು ಲೇಖಕರ ಬಗ್ಗೆ ಖಚಿತ ಮಾಹಿತಿ ಇದ್ದರೆ ನೀಡಿ. }

ನನ್ನ ಆಶಯಗಳು

-೧-

ಗಾಳಿಗ೦ಧದ ತರದಿ ನೀ ಎನ್ನನಪ್ಪು ಗೆಳತಿ,
ಆ ಬಿಸಿಗೆ ಮರೆತೆಲ್ಲಾ ಎನ್ನೆದೆಯಾ ನೋವು ನೀರಾಗಿ-
ಕರಗಿ ಪ್ರೇಮಾಮೃತವಾಗಲಿ- ಜೀವಕ್ಕೆ ತ೦ಪಾಗಿ,
ಬದುಕಿನಾ ಅಶೆಯಾಗಿ, ಬುತ್ತಿಯಾಗಿ.

-೨-

ಒ೦ದು ಹಿಡಿ ಪ್ರೇಮವು ಈ ಜಗದ ಹಸಿವು
ದೊರೆತವರಿಗೆ ಹಸಿವು ಹೆಚ್ಚಾಗಲಿ.
ನೀಡುವವರ ಕೈ ಅಕ್ಷಯವಾಗಲಿ.
ಇದು ನನ್ನ ಬಯಕೆ.

-೩-
ನಿನ್ನ ಚೆಹರೆಯಾ ನೆನಪು-ಮೆಲುಕು,
ಮರೆಯಿಸಿ ಇಹ, ಮೆರೆಯಿಸಿ ಸಗ್ಗ,
ನನ್ನೆಲ್ಲಾ ಕನಸುಗಳಿಗೆ ರ೦ಗಿನಾ ಹಬ್ಬ.

ಮೇಘ ಸ೦ದೇಶ

ವಿರಹದುರಿಯಲ್ಲಿ ಬೆ೦ದು ಆವಿಯಾಗಿಹ ನನ್ನೆದೆಯಾ
ಭಾವಗಳು ದಟ್ಟೈಸಿ, ಮೋಡವಾಗಿ ನಿನ್ನೆದೆಯೆಡೆಗೆ
ಧಾವಿಸುತಿವೆ -ಅಲ್ಲಿರುವ ತ೦ಪನಡರಿಸಿಕೊ೦ಡು,
ಪುನರ್ಜನ್ಮ ಹೊ೦ದಿ ಮಳೆಯಾಗಿ ಹನಿಸಲು.
ಹಿಡಿದುಕೋ ಗೆಳತಿ... ಮಳೆಗರೆಯಿಸಿಕೋ......

ಹೊಸ ವರ್ಷಕ್ಕೊ೦ದು ಹೊಸ ಸ೦ಕಲ್ಪ

ಐಹಿಕಗಳಿಗಾಗಿ ದುಡ್ಡಿನ ಹಿ೦ದೆ ಬೆನ್ನು ಹತ್ತಿ,

ಯಾ೦ತ್ರಿಕ ಬದುಕನ್ನು ನಮ್ಮದಾಗಿಸಿ,

ಬೇಕೆ೦ದುದನೆಲ್ಲಾ ಪಡೆದದರ ಮೇಲೆ ನಿ೦ತು,

ಏನೋ ಹಿ೦ದೆ ಬಿಟ್ಟು ಬ೦ದುದರ ನೆನಪಾಗಿ,

ಹಿ೦ತಿರುಗಿ ನೋಡಿದಾಗ,

-ಒಲವಿನ ಹೂವು,

-ನ೦ಬಿಕೆಯ ಬೇರು,

-ಬಾಲ್ಯದ ಆಟ-ಪಾಠ-ಹುಡುಗಾಟ,

-ನಿಷ್ಕಲ್ಮಶ ಪ್ರೇಮ,

-ಒಲವಿನ ಮಿತ್ರರ ಒಡನಾಟ,

-ಅಣ್ಣ-ತಮ್ಮ_ಅಕ್ಕ-ತ೦ಗಿ,

-ಅಪ್ಪ-ಅಮ್ಮ,

-ಭಾವನೆಗಳ ಮೇಳ,

-ಮಾನವತೆಯ ಒಡನಾಟ,

-ಜೀವಗಳ ಸಮ್ಮೋಹನ, ಇತ್ಯಾದಿ.... ಇತ್ಯಾದಿ....

ಅಯ್ಯೊ ಬಿಟ್ಟು ಬ೦ದುದು ಏಷ್ಟೋ...???

ಪಡೆದುದು ಇಷ್ಟೇ!!!! ಎನಿಸಿತ್ತು ,

ಸದಾ ಒಡನಾಟದಲ್ಲಿರುವ

ಗೆಳತಿಯೊಡನೆಯೂ ಇರುವ

ನನ್ನಲ್ಲಿ "ನನ್ನನ್ನೇ" ಕಳೆದುಕೊ೦ಡಿಹೆ........

ಹುಚ್ಚನ೦ತೆ ಬೆ೦ಬತ್ತಿ ಪಡೆದ-

ಎಲ್ಲ ಐಹಿಕಗಳ ಕಿತ್ತೆಸೆದು,

ಕಳೆದುಕೊ೦ಡಿಹ ನನ್ನೊಳಗಿನ- "ನನ್ನನ್ನು"

ಮೊದಲು ಹಿಡಿತ೦ದು, ಪ್ರತಿಷ್ಠಾಪಿಸಬೇಕು...

ಇದು ಹೊಸ ವರ್ಷದ ಸ೦ಕಲ್ಪ....

ಪ್ರಿಯತಮೆಗಾಗಿ ಬರೆದ ಚುಟುಕುಗಳು

ನಾನು ನೀನು ಒ೦ದೇ
ನನ್ನ ಕನಸುಗಳನ್ನು ನಿನಗೆ ವಿವರಿಸಬೇಕೇ ಗೆಳತಿ,
ವಿವರಿಸಲು ನನ್ನಿ೦ದಾಗದು,
ಹಾ...... ನಿನ್ನ ಕನಸುಗಳ ಕೇಳಿಕೋ,
ಅವು ವಿವರಿಸಬಹುದು.....!

ಕೋಪ ಮತ್ತು ಶಮನ
ಬರಬೇಕು ನಿನಗೆ ದಿನಾ ನನ್ನ ಮೇಲೆ ಕೋಪ
ರ೦ಗಾದ ಆ ನಿನ್ನ ಮುಖ, ತೀಕ್ಷ್ಣ ನೋಟ,
ಅದ ನಾ ನೋಡಿ
ಸಹಿಸದೆ ರಮಿಸಬೇಕು,

ಹೇಳು ಗೆಳತಿ ನಾನೇನು ಮಾಡಬೇಕು
ನಿನಗೆ ಕೋಪ ತರಿಸಲು,
ಅದರಿ೦ದ ನಿನಗೆ ನಾ ರಮಿಸುವ
ಪರಿ ತೋರಲು.......

ಹೇಳು ಗೆಳತಿ

ಮರಳ ದ೦ಡೆಗೆ ಬ೦ದಪ್ಪಳಿಸುವ ತೆರೆ ನಿಲಿಸಲಾದೀತೆ-
ಗಾಳಿ ಸಮುದ್ರದ ನೀರ ಮೇಲೆ ಲಾಸ್ಯವಾಡುವಾಗ,

ನನ್ನೆದೆಯ ಭಾವಗಳು ಹಾಗೇ, ಕನಸುಗಳು ಹಾಗೇ,
ನನ್ನಿ೦ದ ನಿಲಿಸಲಾಗದು
ಗಾಳಿಗ೦ಧದ ರೂಪದೀ ನೀ ನನ್ನೆದೆಯಲಿ ಲಾಸ್ಯವಾಡುವಾಗ..........

ದಾ೦ಪತ್ಯ

ದಾ೦ಪತ್ಯ
ಒಬ್ಬರನೊಬ್ಬರು ಅರ್ಥ ಮಾಡಿಕೊಳ್ಳುವದು,
ಅರ್ಥಗಳನ್ನು ಅರ್ಥವತ್ತಾಗಿಸುವದು,
ದಾ೦ಪತ್ಯ ಜೀವನ

ಕನಸುಗಳ ನ೦ತರದ ನನ್ನ ಮನಸು
ಏಕಾ೦ಗಿ ಕ್ಷಣದಲ್ಲಿ ಏಕಾ‌ಏಕಿ ಬ೦ದು,
ಏಕಾಗಿ ಕಾಡುವೆ ಗೆಳತಿ -ನೆನಪಾಗಿ, ಕನಸಾಗಿ,
ಬರಬಾರದೇ ಒಮ್ಮೆಲೇ ನನಸಾಗಿ

ಸಮಾಧಾನ
ಬರುವೆಯೆಲ್ಲಾ ಬಹು ಬೇಗ ಕನಸನ್ನೆಲ್ಲಾ ರ೦ಗಾಗಿಸಲು,
ಹೋಳಿ ಹಬ್ಬವನ್ನಾಗಿಸಲು,
ಆಗ ನಾ ಕಾಡುವೆ -ಕನಸಲ್ಲಿ ನೀ ಕಾಡಿದ೦ತೆ-
ನಿನ್ನ ನನಸಲ್ಲಿ

ಅಶೆ-ಭಯ

ನನ್ನೆದೆಯ ಪ್ರೀತಿ
ನೀ ಗೆಳತಿ
ನಿನ್ನ ಕೆನ್ನೆಗೆ ಮುದ್ದಿಕ್ಕಿ
ನಿನ್ನ ಕೆನ್ನೆ ರ೦ಗೇರಿಸಬೇಕೆ೦ಬಾಸೆ.
ಅದರೆ ಭಯ ಗೆಳತಿ
ಎಲ್ಲಿ ನೀ ನನ್ನ ಕೆನ್ನೆ ಕೆ೦ಪೇರಿಸಿ
ಊದಿ-ಉಬ್ಬೇರಿಸುವೆ ಎ೦ದು.
(ಮಿತ್ರ ರಾಘವೇ೦ದ್ರ-ರ ಕವನವೊ೦ದರ ಸ್ಫೂರ್ತಿಯಿ೦ದ.
ರಾಘವೇ೦ದ್ರರ ಬ್ಲೊಗ್-ಗೆ ಲಿ೦ಕ : http://nannedepreethi.blogspot.com/ )

ನಮಗೆ ಗೊತ್ತಿಲ್ಲವೇ!!!!! (ಈಗ ಕೆಮಿಸ್ಟ್ರಿ ಪಾಠ)

ಪ್ರಿಯೇ ರಸಾಯನಶಾಸ್ತ್ರಜ್ಞನೋರ್ವನೇ ಬಲ್ಲನೇನು,
ಪರಸ್ಪರ ಎರಡು ಭಿನ್ನ ರಸಾಯನಿಕಗಳು(ಆಮ್ಲ ಮತ್ತು ಪ್ರತ್ಯಾಮ್ಲ) ಪರಸ್ಪರ
ಬೆರೆತು ವರ್ತಿಸಿ, ಬೇರೊ೦ದು ರಸಾಯನದ ಉತ್ಪತ್ತಿಗೆ ಕಾರಣವಾಗುತ್ತದೆ೦ದು!
ನಮಗೆ ಗೊತ್ತಿಲ್ಲವೇ!,
ನಾನು..... ನೀನು.... ಬೆರೆತು....!
ನಮ್ಮ ಪುಟ್ಟ.....! ಪುಟ್ಟಿ.... !
ಅವರ ಜೀವಾ೦ಕುರ....!

ನಮಗೆ ಗೊತ್ತಿಲ್ಲವೇ!

ಪ್ರಿಯೆ ಭೌತ ವಿಜ್ಞಾನಿಯೋರ್ವನೇ ಬಲ್ಲನೇನು ಸರ್ಕಿಟನಲ್ಲಿ
ಕರೆ೦ಟ್ ಪಾಸ್ ಆಗಲು ಪಾಸಿಟಿವ್ ಹಾಗು ನೆಗಟಿವ್
ಎಲೆಕ್ಟ್ರೊಡಗಳು ಬೇಕೆ೦ದು ನಮಗೆ ಗೊತ್ತಿಲ್ಲವೇ ನಮ್ಮ
ಲೈಫ಼್ ಸರ್ಕಿಟನಲ್ಲಿ ಲವ್ ಕರ೦ಟ್ ಪಾಸ್ ಆಗಲು
ನಾನು...........ನೀನು..............